ДЗЕНЬ РОДНАЙ МОВЫ - 2019
З нагоды Міжнароднага дня роднай мовы ў 5"Б "класе 22 лютага прайшло мерапрыемства «Падарожжа ў свет беларускіх слоў». Накіравана мерапрыемства было на папулярызацыю беларускай мовы, выхаванне ў вучняў павагі і любові да роднага слова, цікавасці да твораў беларускіх пісьменнікаў. Пачалося свята з размовы пра гісторыю ўзнікнення Дня роднай мовы. На мерапрыемстве прагучалі вершы пра родную мову, выказванні, жарты на роднай мове. Падчас свята вучні пашырылі свой слоўнікавы запас і праявілі творчыя здольнасці. Яны прынялі ўдзел у гульні, дзе паказалі добрыя веды ў перакладзе слоў з рускай на беларускую мову, разгадвалі загадкі і рэбусы. Вучні паспаборнічалі ў конкурсе скорагаворак, падбіралі розным прадметам беларускія назвы.
Гэты дзень, безумоўна, нікога не пакінуў абыякавым. Усе прысутныя на свяце яшчэ раз адчулі: якая мілагучная, прыгожая родная мова.
